Sunday, September 15, 2013

திருவாளர் பால் - கவிதை









திருவாளர் பால்
மண்ணுக்கு அடியில் என்ன செய்து கொண்டு இருக்கறீர்கள்
உலர்ந்த எலும்புகளில் என்ன இருக்கிறது
தொல்லியல் என நாக்கில் முடிச்சு விழும் சொல்லை
நம் குழந்தைகள் அறியார்
சென்ற நூற்றாண்டின் மிகச் சிறந்த தொல்லியலாளரும்
அத்துறையின் மிகப் பெரிய கிறுக்குமான
உங்களை யாருக்கு தெரியும்
இன்டியானா ஜோன்ஸ் தெரிந்த அளவிற்கு
அழிந்து போனவைகளை மீண்டும் பூமிக்கு கொண்டு வருபவர்கள் சாத்தான்கள் என பாட்டி
சொல்வாள் எவ்வளவு பெரிய சாத்தான் நீங்கள்
வரலாறு ஒரு பிணஅறை
அதற்குள் மூக்கை பொத்திக்கொண்டு உங்களுடன் இவ்வுலகம் வரவேண்டுமா
எவ்வளவு பெரிய கிறுக்குதான் நீங்கள்
திருவாளர் பால்
மண்ணுக்கு அடியில் என்ன செய்து கொண்டு இருக்கறீர்கள்

No comments:

Post a Comment